今日心情就同天氣一樣，陰陰沉沉...

我清楚知道自己點解會咁樣，主要係因為好掛念某人，可惜對方與我相反。

雖然心情唔好，但係總有些方法可以令自己開懷，就係去幫助有需要既人，對方領你既情，願意接受你既幫忙，真係可以令人樂透的。我唔知其他人係點，但係最少我自己係咁。今早幫了一個女人推輪椅去佢想去既地方，完成後真係開心了一會兒!!

心情唔好，但係無論點唔好，好友既生日慶祝飯局，點都唔可以不理。偏偏十個人，每人有一個意見，我呢個訂位之人，真係唔知點做好...好煩~~~

今日係街上見到一件事件。

一個男人，就咁望佢，唔會覺得有咩特別，但係就係佢經過垃圾桶既時候，佢既行徑令我望多佢兩眼。因為佢突然伸手入垃圾桶摷野，原來佢係度摷人地唔要既飯盒，仲要摷完一個又一個...

呢一刻我真係滿腦子充滿問號，究竟佢係咪摷黎食呢??

突然間...個心有種悽涼同埋心酸既感覺....

好野...有得去旅行喇! 雖然只係去短短5日既北京，但係心裡都好開心，加下已經全心全意等侍下星期六開始既假期...

時間過得真係快，第一次去北京已經不經不覺係十年前既事喇，相信十年後再去，周圍既環境一定變化好大，總之期侍...北京之旅。

十年前係北京返香港之後，同一個月就即刻飛左去澳洲，跟同事講起呢樣野，對方竟然叫我大可以係北京返黎之後先去澳門，然後再去長洲...兩個地方加埋，一樣係"澳洲"。

哈哈~~ 笑死我! 超級阿Q精神~

我覺得自己有d患左"咳嗽喉群症"...

咳得太耐喇，就算唔咳既時間，個心仍然會覺得自己就黎咳。呢個心理真係好得人驚，搞到我情緒有d失落。

開心快樂係良方，我要保持開朗!!!!!!!!!!!!!

星期六無聊自己一個人去屋企附近既晨運徑行左一轉，成條路都冇咩人，好寧靜，再加上周圍既樹木草草，個心真係好舒暢。

行下行下，咁就去到可以望到鯉魚門山邊，坐係小櫈上望住個海，個心超級恬靜，真係好鍾意呢鍾感覺，真係得閒要去多d。

其實呢條路真係有好多好多回憶，雖然我同你係分開左，但係一路上諗起同你一齊行過既日子同情況，個心都係開心既。

多謝你俾左d歡樂既回憶我!